Сум орон нутагтаа гэр бүлүүдэд зөв үлгэр дуурайлал болсон шилдэг 3 гэр бүлийг дараах номинацаар шалгарууллаа “Үлгэр жишээ гэр бүл” Л.Адьяадоржийн гэр бүл, “Хөдөлмөрч гэр бүл” Ж.Батсүхийн гэр бүл, “Манлайлагч гэр бүл” Ж.Хаянхярваагийн гэр бүл тус тус шалгарлаа.

Мөн Гэр бүлийн хөгжөөнт тэмцээнд идэвхтэй оролцсон иргэддээ баярлалаа.

Өдөрлөгийн үр дүнд гэр бүлийн харилцаа үнэ цэнийн ойлголт, үр хүүхдээ эерэг аргаар хүмүүжүүлэх зарчим, гэр бүлийн харилцааны хэлбэр, зөрчлийг зохицуулах арга зарчимын талаар ойлголтын талаар таниулан сурталчлав.

Говьсүмбэр аймгийн Гэр бүл, хүүхэд, залуучуудын хөгжлийн газраас санаачлан Дэлхийн Зөн ОУБ, Дуу бүжгийн Боржигин чуулга нар хамтран ГБХЗХГ-ын дэргэдэх морин хуурын дугуйлангийн багш Төв Халхын алдарт хуурч МУСТА БАЗАРЫН БАНЗРАГЧИЙН нэрэмжит өсвөрийн болон залуу #Морин #хуур сонирхогчдын аймгийн анхдугаар уралдааныг 2022 оны 04 сарын 09-ны өдөр зохион байгуулсан.

Тус уралдааны зорилго нь хүүхэд, залуучуудын дунд морин хуур хөгжмийг таниулан сурталчлах, ардын өв уламжлалыг түгээж морин хуур хөгжмөөр хичээллэх хүсэл сонирхлыг идэвхжүүлэхийн зэрэгцээ Монгол улсын болон гадаадын хөгжмийн зохиолчдын бүтээлийг тоглож ур чадвараа дээшлүүлэн хөгжмийн боловсролыг нэмэгдүүлэх зорилготой.

Уралдааныг #ерөнхий боловсролын сургуулийн сурагчдын дунд бага, дунд, ахлах болон #насанд хүрэгчид гэсэн 4 насны ангилалаар зохион явуулсан. Уралдаанд морин хуур хөгжмөөр хичээллэдэг болон сонирхогч нийт 15 хүүхэд, залуус оролцож тус бүр 2 уран бүтээлийг тоглон оролцсон юм. Оролцогчид уралдаанд дараах зохиолуудыг заавал тоглон оролцсон.

Бага нас /5-6-р анги/

1. М.Глинка “Дуу”

2. Монгол ардын дуу “Ботго”

Дунд нас /7-9-р анги/

1. Р.Шуман “Бодол”

2. Монгол ардын дуу “Цонхон дээр суусан ялаа”

Ахлах нас /10-12-р анги/

1. Сонсанс “Хун”

2. Идэрбат “Морин төвөргөөн”

18-45 насны залуучууд:

1. Пүрэвхүү “Эклийн эгшигт нутаг”

2. Чөлөөт уран бүтээл /Өөрийн урын сангаас сонголт хийж тоглоно/

Уралдааны шагналт байранд:

Бага насны ангилалд

Тэргүүн байр: Т.Тэмүгэн Шивээговь сумын ЕБС-ийн 5-р ангийн сурагч

Дэд байр: Г.Нандинбаяр Баянтал сумын ЕБС-ийн 5-р ангийн сурагч

Дунд насны ангилалд:

Тэргүүн байр: Т.Долгионхулан Баянтал сумын ЕБС-ийн 7-р ангийн сурагч

Дэд байр: Бадар-Ууган ЕБ-ын 1-р сургуулийн 8-р ангийн сурагч

Ахлах насны ангилалд:

Тэргүүн байр: О.Энхбилгүүн ЕБ 5-р сургуулийн 11-р ангийн сурагч

Дэд Байр: А.Мөнгөншагай ЕБ 1-р сургуулийн 10-р ангийн сурагч

Насанд хүрэгчдийн ангилалд:

Тэргүүн байр: Л.Энх-Амгаланбаатар

Дэд байр: Б.Адьяацэнд

Гутгаар байр: Г.Бадралбаяр нар тус тус шалгарсан юм.

Уралдааныг Дуу бүжгийн Боржигин чуулгын Ерөнхий найруулагч Т.Батсэрээтэр, Хөгжмийн ерөнхий удирдаач М.Амгаланжаргал, Морин хуурч, хөгжимчин Т.Төгөлдөр нар шүүн явуулсан.

Тус уралдааныг санаачлан хамтран зохион байгуулж морин хуур хөгжмөөр дамжуулан урлагийн боловсролыг түгээх хийгээд ардын өв соёлыг олон арван хүүхэд залууст өвлүүлэн үлдээж байгаа буурал багш Төв Халхын алдарт морин хуурч Базарын Банзрагч багшдаа болон уралдаанд оролцож морин хуур хөгжмөө эгшиглүүлэн хотол олны сонорыг мялааж өргөө байшингийн жаврыг үргээсэн нийт оролцогчдодоо талархаж цаашдын урлагийн их үйлсэд нь өндөр амжилт хүсч УРЛАГИЙН ТЭНГЭР ЯНЖИНЛХАМ БУРХАН МӨНХӨД ИВЭЭЖ ЯВАХ БОЛТУГАЙ хэмээн ерөөл өргөе

Нэгдүгээрт хүүхэд уриан дор АЗДТГ, НБХ, ГБХЗХГ, БШУГ, Дэлхийн Зөн ОУБ-аас хамтран “Эрх, үүрэг, оролцоо” хөтөлбөрийн хүрээнд багш бүр хүүхдэд амьдрах ур чадварыг эзэмшүүлэн хүүхдэд байгаа давуу талыг олж харахад нь туслах, тэднийг үнэ цэнэтэйд тооцон хүндэтгэн харилцаж сургах, багш суралцагчдын эрүүл харилцааг боловсролын орчинд бий болгох, багшийн сэтгэл зүйн боловсролыг дэмжих зорилгоор “Багшийн харилцаа-хандлага” сэдэвт сургалтыг. зохион байгууллаа. Сургалтад аймгийн ЕБ-ын сургууль, цэцэрлэг, Политехникийн коллежийн нийт 200 гаруй багш ажилчид хамрагдсан.

Сургалтыг МУБИС-ын Сэтгэл зүйн үйлчилгээний төвийн сэтгэл судлаач, багш А. Баярхүү удирдлаа.

Сургалтын агуулга:

Суралцагчдын нас, сэтгэхүй, сэтгэл зүйн хувийн онцлогийг харгалзан ажиллах харилцааны ур чадвар, арга техникийг эзэмших

Сурагчдын нийгэм сэтгэл зүйн өөрчлөлтийг харгалзан ажиллах аргад суралцах

Хувь хүний оролцоо ба өөрийгөө удирдах, багшийн хөгжлийн дэмжих арга зүйд суралцах

Сэтгэл зүйн темперамент, зан төлөв, хувийн онцлогоо таньж мэдэх, тодорхойлох дасгал ажлуудыг ажилласан.

Сургалтандаа идэвхтэй хамрагдсан боловсролын салбарын нийт багш, ажилтнууддаа цаашдын ажил хөдөлмөрт нь өндөр амжилт хүсье!

Тус уулзалтаар:

Хүүхдийн оролцооны үндэсний зөвлөгөөнд оролцсон суралцагчдын ажлын тайлан

Аймгийн хүүхдийн нэгдсэн зөвлөлийн гишүүдийн танилцуулга, АХНЗ-ийн үйл ажиллагааны чиглэлийн талаар танилцуулга

Аймгийн хүүхдийн нэгдсэн зөвлөлийн гишүүдийг шинэчлэн байгуулах

Аймгийн хүүхдийн нэгдсэн зөвлөлийн тэргүүнийг сонгох

Хүүхдийн элчийн чиг үүрэг, хариуцлага танилцуулга мэдээлэл хийж “Хүүхдийн элч”- ийн батламж гардуулах

2022 онд хүүхдийн хөгжил, оролцооны чиглэлээр орон нутагт хэрэгжүүлэх ажлын төлөвлөгөөнд хүүхдүүдийн санал санаачлагыг авах чиглэлийг гаргалаа.

1. Аймгийн Хүүхдийн нэгдсэн зөвлөл нь тухайн орон нутгийн хүүхдийн оролцооны бүлгийн ахлагч нарын хамтаар үе тэнгийнхний өмнө тулгарч байгаа асуудлуудыг хөндөж түүнийг шийдвэрлэхэд нь насанд хүрэгчдэд нөлөөлж тэдэнтэй хамтран ажилладаг сонгуульт байгууллага юм. АХНЗ-ийн үйл ажиллагааны үндсэн чиглэл нь аймгийн нийт 7300 хүүхдийн эрх ашгийг хамгаалах асуудалд идэвхитэй оролцож, утга учиртай оролцоог дэмжих мөн хүүхдийн өөрийн санаачлагын болоод оролцооны бүлгүүдийн үйл ажиллагаанд нь дэмжлэг үзүүлэн ажиллах зорилготой.

АХНЗ-ийн сургуулийн төлөөлөл хүүхдүүд нь манлайлагч, үе тэнгийнхэндээ нөлөөлөх чадвартай, багаар ажиллах чадвартай, өсөж хөгжих хүсэл тэмүүлэлтэй,

Сургууль болон орон нутгийнхаа хүүхдүүдийн дуу хоолой болж шийдвэр гаргах түвшний хүмүүстэй хамтран ажиллаж, тэдэнд нөлөөлөн ажиллах чадвартай хүүхэд байна.

Аймгийн хүүхдийн нэгдсэн зөвлөл нь 20 гишүүнтэйгээр, АХНЗ-ийн тэргүүнээр 5 дугаар сургуулийн 10 дугаар ангийн сурагч Ө.Мөнгөнзул гишүүдийн 70 хувийн саналаар сонгогдлоо.

2. Аймаг сумдын “Хүүхдийн элч”- ийн шинэчилсэн журмыг танилцуулж, аймгийн “Хүүхдийн элч”-ээр сонгогдсон Дэлхийн Зөн ОУБ-ын менежер Д. Оюунтуул, Сүмбэр сумын “Хүүхдийн элч” О. Гантөмөр, Шивээговь сумын “Хүүхдийн элч” Б.Энхриймаа нарыг батламждан “БАТЛАМЖ” гардуулан цаашид хамтран ажиллах чиглэлээ гаргалаа.

3. Японы Хүүхдийг ивээх сангийн Хүүхдийн эрх хамгаалал хариуцсан менежер Д. Цолмон #Хүүхдийн утга учиртай оролцоог хэрхэн хангаж, хүүхдүүд эерэг зүйлээрээ үе тэнгийнхнийгээ хэрхэн зөв дагуулж хамтдаа хөгжих талаар мэдээлэл хийлээ.

4. 2022 онд Аймгийн ГБХЗХГазар нь:

Хүүхдэд тулгамдаж байгаа асуудлыг өөрсдөөр нь тодорхойлуулж шийдвэрлэхэд анхаарах

Хүүхдийн оролцооны байгууллагуудын үйл ажиллагааг дэмжих, идэвхжүүлэх, санал санаачлагыг дэмжих

Шийдвэр гаргахад хүүхдийн утга учиртай оролцоог хангах ажлыг чанаржуулахАмгийн хүүхдийн нэгдсэн зөвлөлийн шинэчлэн байгуулагдсан гишүүдийн үйл ажиллагааг тогтмолжуулан идэвхжүүлж дэмжихэд гол анхаарлаа хандуулж ажиллана.

Хөдөлмөр, нийгмийн хамгааллын сайд, Хууль зүй, дотоод хэргийн сайдын 2021 оны 12 дугаар сарын 06-ны өдрийн А/150, А/280 дугаар хамтарсан тушаалаар батлагдсан “Хүүхдийн эрхийн хууль зүйн хороо”-ны бүрэлдэхүүн, зохион байгуулалт, үйл ажиллагааны журмын хэрэгжилтийг хангах ажлын хүрээнд аймгийн ХЭХЗХороо 2022 оны анхдугаар хурлаа зохион байгууллаа.

Хурлыг Аймгийн Засаг даргын орлогч Б. Анхбаяр тэргүүлж, гишүүдийн 70 хувийн ирцтэйгээр хуралдлаа.

Хурлаар:

Аймгийн Засаг даргын 2022/02/01-ны өдрийн А/35 тоот “Аймгийн хүүхдийн эрхийн хууль зүйн хороог шинэчлэн байгуулах тухай” захирамжын танилцуулга

ХЭХЗХ-ний шинэчлэн батлагдсан журмын танилцуулга

2021 оны ГБХЗХГ-ын хүүхэд хамгааллын статистик мэдээлэл

2021 онд хүүхэд холбогдсон гэмт хэрэг, зөрчлийн талаарх холбогдох байгууллагуудын мэдээлэл-/Шүүхийн Тамгын газар, Цагдаагийн хэлтэс, Эрүүл мэндийн газар, Шүүхийн шийдвэр гүйцэтгэх газар, Өмгөөлөгчдийн холбоо/-ийг танилцуулж

2022 оны үйл ажиллагааны төлөвлөгөөг хэлэлцэн батлуулах чиглэлээ тодорхойлж хуралдлаа.

Хүүхдэд амьдрах ур чадварыг эзэмшүүлэн хүүхдэд байгаа давуу талыг олж харахад нь туслах, түүнийг ойлгуулах, тэднийг үнэ цэнэтэйд тооцох, хүндэтгэн харилцаж эрүүл харилцаа бий болгох, бусдаас суралцах, сургалтын олон төрлийн аргыг ашиглаж сурах, биеэ даах чадварт суралцах, мөн хүүхдийн эрх, хамгаалал, оролцооны талаар ойлголт мэдлэгтэй болж зөв иргэн болж төлөвшихөд дэмжлэг үзүүлэх зорилгоор Баянтал сумын ЕБ-ын сургуулийн 6-9-р ангийн сурагчдад “ОХИД, ХӨВГҮҮДИЙН ЭРХ, ҮҮРЭГ, ОРОЛЦОО” сургалтыг 2022 оны 03 сарын 09-ны өдрөөс 03 сарын 11-ний өдрүүдийн хооронд 3 өдрийн турш 10 удаагийн сургалтыг ГБХЗХГ-ын мэргэжилтнүүд зохион байгуулсан. Сургалтад нийт 30 сурагч хүүхдүүд хамрагдсан.

Сургалтын агуулга:

Сурагчдын эрх, үүрэг, оролцоо

Зан чанар, харилцаа хандлага, эцэг эхээ хүндлэх

Амьдрах ухаан

Нөхөн үржихүйн эрүүл мэнд

Гэр бүл төлөвлөлт

Мэргэжил сонголт

Нийгмийн үүрэг хариуцлага

Цахим хэрэглээний зөв зохистой хэрэглээ

Үе энгийн дээрэлхэлтээс урьдчилан сэргийлэх нь

Аливаа төрлийн хүчирхийллээс урьдчилан сэргийлэх нь

Сэтгэл зүйгээ зөв удирдах нь зэрэг

Сургалтын үр дүнд хүүхдүүд харилцаа хандлага, эрүүл мэнд, боловсрол, нийгмийн нөхцөл байдалд ирээдүйн амьдралаа маш сайн авч явах чадваруудыг эзэмшиж, амьдралынхаа туршид тулгарч болох асуудлуудыг мэддэг бас түүнээс гарах арга зам, ур чадваруудыг эзэмшсэнээр ирээдүйд болох үйл явцад бэлтгэлтэй байж эрүүл, эерэг ухаанаар шийдвэр гэргах чавдартай болоход нөлөөлсөн юм.

Мөн хүүхдүүд өөрийгөө болон бусдыг аливаа төрлийн хүчирхийлэл болон эрсдэлд өртөхөөс урьдчилан сэргийлэх, хамгаалах, бусдыг ялгаварлан гадуурхаж, хэн нэгнийг хэцүү байдалд оруулахгүй байх талаар ойлголттой болсон ба анги баг хамт олноороо бат бөх, найрсаг харилцааг бэхжүүлэх дасгал ажиллаж, хамт олны эерэг уур амьсгалыг бүрдүүлэхэд нөлөөлсөн.

Тус сургалтыг зохион байгуулахад хамтран ажилласан Баянтал сумын ЕБ сургуулийн удирдлагууд, Нийгмийн ажилтан, багш нартаа болон нийт сурагч хүүхдүүдэдээ цаашдын ажил хөдөлмөр, сурах их үйлсэд нь өрнүүн дэлгэр амжилтыг хүсэн ерөөе.