Монгол Улсын Ерөнхийлөгчийн 2018 оны 60 дугаар зарлиг, Монгол улсын Ерөнхий сайдаар ахлуулсан “Хүүхдийн төлөө үндэсний зөвлөл”-ийн 2018 оны 03 дугаар тогтоолын хэрэгжилтийг хангах ажлын хүрээнд хүүхдэд ээлтэй орчин бүрдүүлж, идэвх санаачлагатай үйл ажиллагаагаа зохион байгуулж буй “Шилдэг эцэг эхийн зөвлөл”-үүдийг шалгаруулсан. Нийт төрийн болон төрийн бус 17 байгууллага, аж ахуй нэгжүүд жилийн турш хийж хэрэгжүүлсэн үйл ажиллагааныхаа тайлан мэдээг ирүүлж дараах шалгуур үзүүлэлтийн дагуу дүгнэсэн. Үүнд:
– 1 -р байр Сүмбэр сумын 6 дугаар цэцэрлэг
– 2-р байр Татварын хэлтэс
– 3-р байр Хөдөлмөр, халамжийн үйлчилгээний газар
– Шүүхийн шийдвэр гүйцэтгэх газар, Политехник коллеж- тусгай байр тус тус байр эзэлсэн.
Энэхүү үйл ажиллагааны үр дүнд эцэг эхийн зөвлөлийн үйл ажиллагаа тухайн байгууллагын онцлогт тохирсон Хөдөлмөрийн дотоод журам, албан хаагчдын ажиллах нөхцөлийг сайжруулах, гэр бүл, нийгмийн хүрээнд гэр бүлийн хөгжлийг дэмжих, хүүхдийн эрхийн зөрчлөөс урьдчилан сэргийлэх, хүүхдийн аюулгүй байдлыг хангах, хамгаалахад хүлээсэн үүрэг, хариуцлага биелүүлэх, хүүхдэд ээлтэй орчин бүрдүүлж, эцэг эхийн зөвлөлийн үйл ажиллагаа идэвхжин тогтмолжсон. Мөн харилцан туршлага солилцож, үр дүнтэй санаачлагыг түгээн дэлгэрүүлсэн.
Нүүр хуудас Үйл ажиллагааны мэдээлэл БАЙГУУЛЛАГА АЖ, АХУЙ НЭГЖИЙН ДЭРГЭДЭХ ШИЛДЭГ ЭЦЭГ ЭХИЙН ЗӨВЛӨЛ ШАЛГАРУУЛАХ ҮЙЛ АЖИЛЛАГАА
