Хүүхдийн төлөө үндэсний зөвлөлийн 2018 оны 12 дугаар сарын 03-ны өдрийн 3 дугаар тогтоол, Боловсрол, соёл, шинжлэх ухаан, спортын сайдын 2018 оны А/476 дугаар тушаал хүчирхийлэлээс урьдчилан сэргийлэх үйл ажиллагаанд сургууль, цэцэрлэг, дотуур байрны орчинд хүүхэд хүчирхийлэлд өртөхөөс урьдчилан сэргийлэхтэй холбогдон үүсэх харилцааг зохицуулах,
– Боловсролын байгууллагын сургалтын орчин, дотуур байранд хүүхэд хүчирхийлэлд өртөхөөс урьдчилан сэргийлэх журмын хэрэгжилтэнд хяналт тавьж зөвлөн туслах,
– Байгууллага хоорондын хүүхэд хамгааллын үйл ажиллагааны уялдаа холбоог сайжруулах зорилгоор аймгийн нийт:
– ЕБС,
– СӨБ-ын байгууллагууд,
– ПТК болон ЕБС-ын дотуур байранд хяналт шалгалтыг АГХУСАЗСЗ, Цагдаагийн хэлтэстэй хамтран хийлээ.
Хяналт шалгалтаар дараах зүйлүүд дээр чиглэн:
– Хүүхэд хамгааллын бодлогын баримт бичигтэй байгууллагын бүх албан хаагч танилцаж хүлээн зөвшөөрсөн эсэх
– Цэцэрлэг, сургууль, дотуур байрны багш, ажилтан, эцэг эх, асран хамгаалагч, суралцагчдад хүүхдийн эрх, хамгаалал, харилцаа хандлагын талаар нөлөөллийн үйл ажиллагаа төлөвлөж зохион байгуулсан эсэх
– Хүүхэд ялгаварлан гадуурхал, хүүхдийн ялгаатай байдлын талаарх мэдлэг, ойлголтыг нэмэгдүүлэх, үе тэнгийн дээрэлхэлтийг зогсоох, урьдчилан сэргийлэх чиглэлээр хөтөлбөр боловсруулан ажиллаж буй эсэх
– Нөхцөл байдлын үнэлгээнд суурилан хүүхдэд учирч болзошгүй эрсдэл болон хүчирхийлэлээс урьдчилан сэргийлэх эрсдэлт нөхцөлд байгаа хүүхэдтэй ажиллах үйл ажиллагааны төлөвлөгөөг гарган анги удирдсан багш, эцэг эхтэй хамтран ажиллаж буй эсэх.
– Сэтгэл санааны хямрал, гутралтай суралцагчдад нийгэм, сэтгэл зүйн зөвлөгөө үйлчилгээ үзүүлж буй эсэх.
– Цэцэрлэг сургууль дотуур байрны орчныг хүүхдэд ээлтэй, аюулгүй орчинг бүрдүүлэн өрөө тасалгаа, анги танхим, заал, коридор, бие засах газар, ариун цэврийн өрөө зэргийг хүүхдэд аюулгүй ээлтэй тохижуулсан эсэх
– Хяналтын камертай болгон түүнийг ажиглах, бичлэгийг хадгалах, хянах дүрэм,орчны гэрэлтүүлэгтэй эсэх чиглэлийг барьж ажиллаа.
Хяналтаар сургууль, цэцэрлэгүүд бүх ажилтан албан хаагчдадаа “Хүүхэд хамгааллын бодлого”-ыг танилцуулж, хүүхэд хамгааллын “Ёс зүйн дүрэм”-ийг хүлээн зөвшөөрсөн “Батламж”-ийг авч ажилласан байна. Мөн сургууль цэцэрлэгүүд “Хүүхэд хамгааллын баг”-ийг байгуулан, төлөвлөгөө гарган ажиллаж байгаа сайн талтай байна.
Онцлох давуу тал:
1. Политехник коллеж: Байгууллагын “Дотоод журам”-даа “Хүүхэд хамгааллын бодлого”-ын заалтуудыг тусгаж баталгаажуулсан.
2. 6 дугаар цэцэрлэг: Хүүхэд бүрийн эрсдэлийн үнэлгээг хийж хүүхдийн эрх, хамгаалал зөрчигдөхөөс урьдчилан сэргийлэх бодит үйл ажиллагааг зохион байгуулж ажиллаж байна.
3. 3 дугаар сургууль: Хүүхэд бүрийн эрсдэлийн үнэлгээг хийж, сургууль уруу ирэх очих маршрутын эрсдэлийг тодорхойлж хүүхдийн эрх, хамгаалал зөрчигдөхөөс урьдчилан сэргийлэх бодит үйл ажиллагааг зохион байгуулж байна.
